من غشنا فليس منا (يآويل حالي)

سلام على الربع اللي هنا
واللي بيختبرون الله يعينكم واقلكم كل واحد بورقته لاتلف لايمين ولايسار
ايه .. تراه لمصلحتك .. واذا قدرت تسبع نفسك بتكون ولد/بنت ابوك

هالموضوع بغيت انزله بالاحداث شفت الحتسي كثر
قلت يابنت نزليه بالنكت ابرك
ادخلوا معي بالموضوع

من احداث السبت اللي رآح:

صحيح مغبره ومامني فايدهـ بس الخبر والله للحين ركبي تتصافق منه

عشان تسذا تاخرت اني انزل الخبر

وتصدقون من الصدمه اللي عشتها للحين ماني متاكده هل نزلت الخبر قبل ولالا

المهم

يوم السبت اللي راح دخلت بدل بنت عمي المهويه اختبارها الانقلش

يوه لو تدرون وش صار المهم
هي قعدت تترجاني تكفين ياسمر يابنت العم ادخلي بدالي الاختبار تكفين طلبتك
انا بنت عمك زي خشمك وسط وجهك
حزنتني والله قلت لها طيب بس بشرط
قالت :وشو قولي واطلبي اللي تبين
انا:تعرفين انه مجازفه واهلي مايدرون اني باختبر عنك>>ياويل احد يقول لاهلي
ابي منك تجيبين لي ساعه من قوتشي مررره نفسي فيها
قالت: الله يلعنك ليش قالوالك خاروف قدامك
انا: تبين تنجحين ولاتنطردين من الجامعه نفذي اللي قلت لك عليه وترى ماني داخله الاختبار
الا وانا كاشخه بالساعه
قالت: ابشري بس انتي ادخلي وجيبيلي الفل مارك>>اهم شي تتشرط
انا:افا عليك ولايهمك
وقعدنا نتشاور وشلون نزور بطاقة الدخول واخير رسينا انه انا ادخل ببطاقتها وهي تدخل على انها نسيت ..وتاخذ لها شعار انها نسيت البطاقه.. واذا دخلت الاختبار اخذ الاشعار بحجه انه وجهي موب عليها.

المهم ووصلنا الجامعه وصار اللي صار ولمن جيت ادخل الاختبار واقعد باول صف واحده واااثقه من نفسها ومن بعيد بنت عمي تاشرلي هااا ان شالله مرتاحه بالمكان وهالله هالله بالبنات اللي وراك..
انصدمت في نفسي وقلت والله لو تشد شعري عشان اغششها ماغششتها يالله داخلين مزورين وتبين بعد اغشش اقلبي وجهك لابارك الله في بننت عمن زيك

ودخلوا مراقبات الانقليزي كلهن فرنسيات ومغربيات وامريكيات انا نغزني قلبي قلت والله مايمروونها لي..
شافوا الورقه قالوا ماراح نقبل الورقه because no picture ..!!! المهم بعد مادخلت القاعه ب 5 دقايق الا انا طالعه وداقه على بنت عمي
بنت عمي انجلطت لمدة 5 دقايق قالت اكيد كشفوها.. وجيت لها وانا وجهي مسود والله اول مره اخاف
قلت لها طار عليك بابنت العم الاختبار يقولون وجهي موب فيه ومايقبلون الورقه
المهم كانت معي ثنتين زي ماعندهم بطاقه بحجه ناسينها؟؟؟ انا بنفسي اييييه هين والله انكم مثلي
جات الامريكيه ومحد يتكلم معاها غيري انقلش
قمت اهايط عليها انه نسيتها قالت بطاقة الاحوال قلت لها انا جايه من سفر واخوي حطني وسافر مكه... عيت الحرمه ماندخل المهم بنت عمي جابت فكره>>اول مره

قالت سمر وراك ماتاخذين بطاقتي وتدخلين قلت يابنت الحلال انا احلى منك بالصوره
قالت تخبين يالكلبه احمدي ربك >>قمنا نتهاوش مين احلى
وجبنا وحده تنصفنا من اصحاب اللي نسوا البطاقه
قلت لها بالله مين ازين انا ولا هي
قالت بتسوونها قلت افا علييييييك..
بالنهايه قالت كلكم ماعندكم سالفه بس يمديكم تدخلون بس لاتدخلين القاعه اللي دخلتيها بالاول بيعرفون انك انتي اللي ناسيتها؟؟
المهم دخلت قاعه ثانيه وعدّا ع الاختبار ثلث ساعه..
دخلت ومافي مكان وبنت عمي ناشفه عند الباب
قلت لهم جيبولي مكان تكفون ودي اختبر >>احزن
جات وحده هنديه دخلتني بكرسي وقالت اكتبي اسمك وبنت عمي من بعيد تقلي نزلي شعرك عشان ماينتبهون لك ..وسمعت الوصيه وقمت اتميلح ونزلت شعري ع وجهي
جيت اكتب اسمي والهنديه فوق راسي
يالبلشه الحين بتشوف وجهي وين اصرفها الحرمه ذي ....
شوي الا تمسك البطاقه وجات تملي الفراغات من رقم الجامعي ومن هالكلام وانا وجهي صار ازرق من الخوف
المهم قالت ايش اسم انت قلت سمر وصحت وكحيت وعطست نسييييييييييت والله العظيم
قالت WHAT قلتnothing my name is .... قالت يعني مو سمر قلت لاا انا اقول حنا بفصل الصيف وصيف يعني سمر >> وش رايكم بالتصريفه
المهم سلموا لي ورقة الاختبار وانا لازم اختبر بسرعه عشان اروح البيت اهلي مايدرون
واختبرفي 5 دقايق والله العظيم انه اتفه اختبار بالحياه كلها ...
وفي غضون وانا اختبر في مصريه واقفه فوق راسي وقامت تدقني
انا ياليل وش فيه ..!!!
وتطالع فيني بنظرات انها كشفتني قسم بالله احس الدم اللي بجسمي نشف
قالت انتي ليه متعبه نفسك وتكتبين وتحلين
انا عيوني تقلبت قلت هااااااا ...بس كشفتني وراحت فيها بنت عمي ..انا مابيصير لي شي
قالت اه انتي متعبه نفسك وتكتبي بالطاوله اللي باليمين يكتبون ..وانتي باليسار تكتبين
تعالي روحي طاوله ثانيه واكتبي.. قلت لااااااا تسلمين والله وحقت واجب وادري همك مصلحة الطالبه ماعاد يلزم والله ..وحلفت علي اروح قلت والله عشان عيونك بروح..وانا كله تسليك,,

المهم وودي اطلع وسمعتهم يقولون لازم تطلعين اذا خلصتي ساعه ع الاختبار
ياليل ابو لممبه انا وشلون اطلع الحين.. فكرت فكرت فكرت
قلت مافي غيرها
المهم قمت اسوي اني اتراجف واطيح القلم وكذا,,, جاتني الهنديه قلت لها تكفين ابي اطلع قالت انا مابي ابهم>>يعني مافي افهم
قلت Iwanna go out جات المصريه ..
قالت فيه ايه قلت ابد ياطويلة العمر ودي اروح الحمام عندي السكر وتعرفين يعني ....>>مدري وشلون طرت لي والله
قالت ممنوع تطلعي انا بوديكي الحمام وارجعك قلت لا لا تجين معي,, انا طيب ودي اطلع عشان بروح المستشفى بعد,, يضربون لي الابره لان مادري السكر مرتفع ولا منخفض >>باسم الله علي

قالت واللهي ممنوع يابنتي وانا قمت اتراجف وارمي الورق اني مرررره تعبانه يعني ,,,
قالت طيب تعالي معاي الحمام المهم ورحت معاها قالت انا حستناك ..لاحوول انا وشلون انحاش ..فخاطري اني انحاش والله
دخلت الحمام الله يكرم السامعين
دقيت على بنت عمي ماردت وانا ادق ادق وش فيها البنت ماترد
وادق وادق
اثاريها بس شافت.. اتصالي تقلي سمر رميت الجوال ومددت رجولي قمت اهلوس واقول
كشفوها اي اي كشفوها ..وصرت اقول.. بس.. بس.. بس.. وفي قطوهـ(بسه) قدامي تحسبني اناديها وجت لمن عندي وصحت وفقت من الغيبوبه ...
المهم في حال لمن دقيت وردت قلت لها بنت تعالي انا بالحمام
وشوي الا المصريه ازيك ديلواتي بابنتي ..
قلت الله يصيبك انتي لسا فيذا
قلت ايه طالعه بس اكلم اخوي اقول الابره متا اخذها...
قالت طيب بس ماتتاخريش احسن انا خايفه عليكي واللهي...
يالبيه قسم انك على نياتك
المهم قالت لازم ترجعي القاعه قلت والله برد .. والقاعه موووت حر والله ..قالت موش شايفه انها بارده ..بس البسي عباتك..قلت ماجبتها هي مع اختي تحت...
قالت انا بعطيكي عباتي ... وهي نحيفه بتموت وانا شوي مستصحه يعني ماني دبا لحد يقول اني دبا.. واذا دبا ترى دليل الاقتصاد بالبلد
قالت معليه انا عارفه انها ديئه شوي ...قلت خليني برا ازين الا وتدخليني يعني ..!!!
دخلت وانا لابسه العبايه كاني مربيه عضلات والله ويديني مرفوعه
واشوفها المصريه تنزل بسرعه وتكلم بالتلفون ..نغزني قلبي مره ثاني قلت ياليل وش بتسوي هالحرمه الحين بتروح تبلغ علي اخاف بتكلم دكتورة الجامعه وتجي تشخص حالتي وانا مافيني الا العافيه..!!!
وقمت ادعي ع بنت عمي لابارك الله فيك كان الحين جالسه ببيت اهلي مرتاحه واتهاوش مع اختي عشان ارسل بلوتوث بجهازها
شوي الا الحرمه طالعه جايبتلي جالكسي وعصير بيبركان..
قلت ليه..قالت لازم تفطري حبيبتي .. قلت تسلمين والله ماتقصرين والله انك طيبه وع نيتك..
قالت طيب تعالي معاي اوديك للمشرفه بتعت الاختبار عشان تعطيكي اعفا خروج
قلت لاتخليني اسحب كلامي
>>طبعا المشرفه هذي اللي قمت اتقلسف عليها انقلش وقالت لي مافي صوره مافي يدخل اختبار
قلت عزالله هالمره ثابته رحنا فيها....
والله انها تسحبني وانا ادق ع بنت عمي والمشرفه مابيني وبينها شي قلت لها
استاذه اختي تدق وهنا مافي شبكه بروح اكلمها قالت طيب تعالي.. قلت بعدين يعدين..
قالتي العبايه ياختي ...
قلت اييييه والله اني اسفه وانا اقول احس جسمي مقمط وانا ماشيتن معتس اثاري العبايه ناسيتها
وعطيها العبايه وادخل من سيب في سيب
ودق ع بنت عمي وجات صاروخ
قالت خيييييير وش صار قلت ابد بتجيبين الفل مارك ان شالله...
قالت: لحظه انتي ليه دقيتي علي .. قلت عشان تهربيني..قالت الله لايبارك فيك انا هلوست وش دراني انك بتحلين ب 5 دقايق وتطلعين نسيت انك دافورهـ

قلت امشي بس والبس عبايتها وتاخذ عبايتي واحط النظاره عشان لاتعرفني المصريه لاني شفتها تدور قلت ياعمري عليها خايفتن علي

ونطلع بسلام انا والمهويه اللي معي


مايستفاد :

1-اذ احد طلب منك خدمه لازم تعرض طلباتك ولاتقدم الخدمه الا والطلب قدامك
2-اذا منت مغامر اجلس مع اختك بالبيت وتهاوش معها على بلوتوث الجهاز
3-اللي عندهم السكر يقدرون ياكلون جالكسي ويشربون بيربيكان
4- اذا تعرف عني كل شي لاتروح تبلغ عني انا وبنت عمي ترانا دواهي وبنجيب اجلك
5- لاتورط نفسك وتغش وتزور وتروح بخرايطها

وبس يارب انكم انبسطتم معي يارب
تراها موب من نسج الخيال حقيقي 100%

هههههههههههههه
شكرآ ليك

هههههههههههههههههه
شي جميل ورائع
شكرا. . ♥